Presidente INDDICA Sra. Dinorah Granadeiro partisipa abertura Konferénsia Internasionál kona-ba Reforma Kuidadus ba Labarik, Promosaun, Defeza no Dezenvolvimentu Integrál ba Labarik iha Timor-Leste.
Objetivu husi konferénsia ida-ne’e, atu defende interese no direitus labarik sira nian no hafanun Estadu atu asumi kompromísiu polítika no medida sira ne’ebé nia objetivu la’os deit hodi defende direitu sira labarik nian, maibé liuliu atu halo prevensaun no kombate situasaun hotu-hotu ne’ebé prejudika direitus labarik sira nian.
Konferénsia refere organiza husi Prokuradór Jerál da Repúblika (PJR) servisu hamutuk ho UNICEF iha Timor Leste iha Suai Room Timor Plaza, Kuarta-feira (18/10/2023).