Dili 17 Outubru 2023, INDDICA realiza enkontru ho liñas Ministeriais Xave no Membru Rede Advokasia Direitu Labarik ba dalarua preparasaun selebra loron Internasional Direitu Labarik kada tinan monu iha loron 20 Novembru 2023.
Iha introdusaun Sekretaria Ezekutiva Sra. Teresa Freitas hatete katak enkotru ba daruak ida ne’e ho objetivu atu selebrasaun loron eventual kada tinan ita halo aliende, de 01 de Junhu ita mos halo 20 Novembru.
Ita hotu tau hamutuk ideia kada instituisaun ida-idak nia misaun atu asegura, protese no promove direitu labarik sira nian, tamba sira mak jerasaun futuru nasaun nian, ita iha eventu 2 mak sei halo iha loron 20 Novembru 2023,
aliende iha ita halao iha anivel nasional ba estratejia advokasia ita mos sei halao iha Munisipiu Ainaru tuir programa nebe mak ita deside ona iha enkontru semana 2 liu ba kotuk.
Espera katak programa sira nebe ita tau ona ita sei akresenta deit ho tempu no data, tamba normalmente kada tinan 20 Novembru sempre disturbu ho kalendariu edukasaun liu-liu exame nasional pasajem klase.
Partisipa iha enkontru ida ne’e mai husi Ministeriu Xave, Edukasaun, Justisa, MJDAC no Membru Rede Advokasia Direitu Labarik, realiza iha Salaun MSSI Kaikoli.