Dili, 13/10/2023, Presidente INDDICA Sra. Dinorah Granadeiro Partisipa iha abertura ofisial selesaun no eleisaun Parlamentu Foinsa’e ba periodu 2024-2026.
Iha abertura Ministru Juventude Desportu Arte no Kultura (MJDAK) S.E.Nélio Isaac Sarmento hateten, “Programa Parlamentu Foinsa’e sai hanesan preparasaun ida hodi hakbi’it joven sira nia koñesimentu no abilidade sai foinsa’e ne’ebé krítiku no responsabilidade.”
Iha fatin hanesan, Presidente APFTL Zaulino Gomes da Silva haktuir, Alumni Parlamentu Foinsa’e Timor-Leste (APFTL) hanesan benefisiáriu husi Parlamentu Foinsa’e Nian, prontu toma responsabilidade no fo kontinuidade ba programa PFN ne’e ba oin,
iha parte seluk husu guvernu hodi halo investimentu ba foinsa’e sira hodi prepara an, nune’e bele garante lider foinsa’e diak no kualidade hodi servi povu no nasaun ba futuru.
Lansamentu Workshop Nasionàl ba Selesaun no Eleisaun ba membru Parlamentu Foinsa’e ba Periodu 2024-2026 refere hetan partisipa husi: MJDAK, CNJTL, Funsionáriu MJDAK, Sentru Juventude sira hosi Munisipiu, Fokal Point MJDK, Membru APFTL no atual PFN.
Tuir orariu ekipa selesaun ne’ebe destaka iha kada Postu Administrativu sira iha territóriu nasionál sei hahú halo registrasaun iha loron 23 Fulan Outubru, Selesaun no eleisaun sei hala’o iha loron 15 Fulan Novembru no tomada de posse ba Membru Parlamentu Foinsa’e eleitu sei realiza iha 12 de Dezembru.
Atividade ne’e hetan apoiu finanseiru hosi MJDAK no organiza hosi APFTL.
Realiza iha salaun Universidade Catoilica Timorense (UCT) Dili.
Fonte;Media APFTL
Copyright@2023 All Rights Reserved @INDICCA I.P. | Developed by TIC-TIMOR I.P