Iha Loron Segunda-Feira 15, de Janeiru 2024. Presidente INDDICA Sra Dinorah Granadeiro hodi Partisipa iha inaugurasaun edifísiu Foun Eskola Colegio do Verbo Divino – Palaca, no selebrasaun Aniversariu ba dala 10° Fundasaun Eskola Colegio do Verbo Divino nian, no mós Aniversaiu ba dala 115° ba Fundador no Patrosinador nia Mate, Santo Arnaldo Janssen.
Iha biban ne’e mós Ministra da Edukasaun Sra. Dulce Soares hato’o parabéns no sente orgullu tanba tinan 10 ona Eskola Colegio do Verbo Dinino hala’o ona servisu di’ak tebetebes hodi harii eskola ida ne’e. no ohin loron ita bele inaugura, eventu ida ne’e marka ona istória ida ba dezenvolvimentu Edukasaun iha Timor-Leste.
Hanesan Ministra da Edukasaun hakarak rekoñese kontribuisaun boot ne’ebé mak igreja katólika istória hatudu hela katak Edukasaun hahú husi igreja katólika.
Inaugurasaun edifísiu refere hala’o iha Suku Sanirin, Postu Balibo, Munisipiu Bobonaro.
Iha ámbitu inaugurasaun ne’e mós Amo Bispo de Maliana Dom Norberto Amaral hato’o diskursus importante rua mak hanesan:
1. Agradese ba Maromak tanba haraik oportunidade ba ita tanba bele selebra misa ida ne’e hodi fó bensa ba edifísiu ida ne’e ho di’ak, no hein katak edifísiu ne’e bele akumula labarik oan sira hodi eskola didi’ak, estuda hodi aprende kona ba moris nian no liuliu kona ba Maromak.no. Agradese ba Imi hotu ne’ebé mak mai halibur an iha fatin ida ne’e.
2. Mensajen, ba Ita hotu no husu ba Aman Maromak atu leno ita ida-ida nia fuan hodi la’o tuir na’in Jesus, ida ne’e mak importante liu.