FORMASAUN KONA BA KONTESTU ASEAN

by | Jan 12, 2024 | SOSIAL

Dili 10-11 Janeiru 2024 durante loron 2 Presidente INDDICA Sra. Dinorah Granadeiro akompaña husi Sekretaria Ezekutiva Sra. Teresa Freitas partisipa iha FORMASAUN KONA BA KONTESTU ASEAN

Formasaun ida-ne’e ninia objetivu prinsipál sira maka hanesan :

  1. Hasa’e koñesimentu sira ba dezenvolvimentu no implementasaun polítika solidariedade sosiál no inkluzaun, hodi konsidera partikularmente dezafiu sira ne’ebé nasaun membru ida-idak hasoru;
  2. Promove no troka prátika di’ak entre nasaun membru ASEAN sira, ho objetivu atu hametin polítika sosiál no identifika estratéjia inovadora sira;

3.  Dezenvolve partisipante sira-nia abilidade téknika no jestaun, hodi permite sira atu hasoru dezafiu sira ne’ebé relasiona ho asuntu sosio-kultural;

4.  Estimula diálogu no kolaborasaun entre partisipante sira, promove parseria rejionál sira ba implementasaun asaun konjunta sira.

5.  Hasa’e koñesimentu partisipante sira iha área estratéjika sira ne’ebé relasiona ho asuntu sosio-kultural, inklui protokolu ASEAN no asuntu administrativu sira.

Entretantu benefísiu esperadu ne’ebé formasaun ne’e atu atinji, ne’ebé sei lori benefísiu oioin ba Timor-Leste nu’udar nasaun observador ASEAN nian, maka :

  1. Haforsa kapasidade téknika no jestaun profisionál sira ne’ebé envolve iha formulasaun no implementasaun polítika sosiál no kulturál;
  2. Troka koñesimentu no esperiénsia entre nasaun membru sira, hodi permite identifikasaun solusaun inovativu sira ne’ebé bele adapta ba realidade lokál;
  3. Estimula kooperasaun rejionál iha área solidariedade sosiál no inkluzaun, favorese distribuisaun rekursu no prátika di’ak sira;

4.   Hadi’a sidadaun sira-nia kualidade moris liuhusi implementasaun polítika ne’ebé efetivu no inkluzivu liu.

Partispante mai husi liñas ministeriais hamutuk sanulu resin-lima (15), ne’ebé partense ba pilar Sosiu-Kultural Asosiasaun Nasoens Sudeste Aziátiku ka ASEAN Socio-Cultural Community (ASCC).

Formadór sira iha formasaun ne’e mai husi Sekretariadu ASEAN liuhusi Plataforma “ASEAN Traveling Resource Person Programme”, hamutuk formadór nain tolu, ne’ebé espertu iha área kapasitasaun rekursu umanu, lideradu husi Xefe Delegasaun, Benjamin Loh, nu’udar Asistente Diretór Divizaun Monitorizasaun husi ASCC.

Formasaun ne’e sei realiza durante loron rua (2), hahú Kuarta-Feira 10 to’o 11 Janeiru 2024, no MSSI hanesan uma-nain ba formasaun ne’e, nune’e mós asumi knaar nu’udar Sekretariadu SOCA Timor-Leste, ho ninia SOCA Indicative Leader mak atual Diretór Jerál Protesaun Sosiál MSSI, Floréncio Pina Dias Gonzaga